MyUs experience - تجربتي مع موقع MyUs

بسم الله الرحمن الرحيم .. 


اليوم البوست حيكون عن تجربتي من موقع MyUs

إيش الخدمات المتوفرة فيه ؟ 

محا اتكلم كتير و اشرح الا في الشي الي انا مجربته ..
الموقع يوفرلك خدمة فتح بريد في امريكا فقط 


ليش ؟ 
عشان اغلب مواقع التسوق إذا ما كانت كلها ما عندها شحن دايركت للسعودية .
ف تتسوقي عادي من اي موقع مضمون و تحطي مكان الشحن البريد الامريكي الي حيعطوكي هوا عند الاشتراك .
 * الي تحتاجيه عند الاشتراك بياناتك و فيزا او ماستر كارد ..


في أي خدمة اشتركت و ايش المواصفات ؟ 

اشتركت في ال Premium
و سعرها اتوقع ٦٠ دولار سنويا .
و عشان انا عضوة في منتدى البوابة الرقمية ADSLGATE  ف يوفرلك اشتراك سنة مجاني و كمان سعر الشحن يكون اقل ب ١٥٪
أهم ميزة عندهم و دا اكبر سبب خلاني اجربهم ( تجميع الشحنات ) تقريبا لمدة شهر ..
يعني يسمحلك تطلبي من كذا موقع و تشحنيهم مرة وحدة


إيش حستفيد ؟ 

حيوفرلك في سعر الشحن جداا ! مقارنة لو شحنتي كل شحنة لحالها .
و كمان ممكن يصورو شحنتك بس توصل ب مبلغ ممكن ٣ دولار .
و طبعا دا كلو اختياري ازا تحبي ولا لا ، و التواصل معاهم جدا سريع
آول ما توصل شحنتك يرسلولك ايميل و ايميل بعده فيه كل تفاصيلها .
طبعا الي يسير انهم يسوو اعادة تغليف يعني الكرتون الاساسي للشحنة يتم الاستغناء عنه .
و الوقت و السعر يتعمد علئ اختبارك لشركة الشحن .



تجربتي :

طلبت من موقع كلينك و من موقع كولور بوب .. و بس وصلو عملت طلب لشحن الشحنة حقتي ..
رفعت الطلب يوم ٢٢ اوقست الصباح في الليل ارسلولي رقم تتبع الشحنة و يوم ٢٧ وصلت جدة و طبعا التوصيل للبيت يعني مو تستلميها من الفرع .
انا اخترت الشركة دي اتش ال كانت الارخص ..
و يوم ٢٧ لما وصلت اتصلت عليهم و قالو لو التوصيل للبيت محا يكون اليوم حيرتبو موعد و صراحة كنت مستعجلة عليهم جدا و متحمسة ف رحت اخذتها بنفسي ..
كان التغليف كويس ، و مرتب و الفواتير موجودة .
وزن الشحنة كان 2;20 lb
سعرها تقريبا ٣٧ دولار بالسعودي ١٣٨ ريال ..
العيب الوحيد انو مبلغ الشحنة ينسحب من البطاقة على طول فلازم تتاكدو من توافر المبلغ .. 

ما صورت تفاصيل التغليف صراحة نسيت و مع الحماس ما افتكرت . 

بس تقريبا دا كان ترتيب الاشياء 

و شكرا لوقتكم .. ازا في اي استفسار دا اكاونتي في الانستقرام .. 

Dina_LifeStyle