DIY , Re-use The Candle Jar

- أكيد في كل بيت في اي نوع من انواع الشموع الي ممكن تخلص و ما حنحتاجها في شي و نرميها ، بس ممكن مع شوية اشياء نسويها تتغير و تنفعنا ؛)

كل وحدة ممكن تبدع بأفكارها و تصاميها و كل شي سهل و ما يحتاج منك اشياء ممكن ما تلاقيها موجودة عندك في البيت 

+ مو شرط تكون علب الشموع ممكن كاسة او فاز او اي شي يخطر في بالك تغيري من شكلو ..

الي تحتاجيه في طريقتي : 

علب الشموع ، غراء ، كلين آو لمعة ، فرشة 

الي جدا مهم انك تحطي العلب في الفريزير من قبل و انا صرااحة نسيتها ممكن يومين بس دا الشي ساعدني لما جيت اشيل بقايا الشمع منها بالسكين .. الاغلب تنزل قطعة كاملة او قطع متماسكة .

في حالة لو لسة باقي اثر شمع تحطي شويا مويا و تدخليها المايكرويف .

و بعدين ننظفها بمنظف الاواني ..

- و بعدين نحط الغراء و نبدآ بالفرشة نوزعو على العلبة من داخل بدون ما نكثر منو ..

و بعدين تحطي من الاكلين على حسب اللون الي انتي حابتو ..

*مهم انك تستخدمي الغراء الابيض لانو بس يجف يسير شفاف .. 

و تقلبيهم عشان تتخلصي من بقايا الاكلين ، و تستنيهم ينشفو و بعد كدا تقدري تستخدميهم في اي شي انتي حبتو
انا حبيت استفيد بثلاث طرق .



١ - حامل لفرش المكياج
 + ازا حابة ممكن تحطي بداخل العلبة اي شي يعبيها من تحت و يمسك الفرش ممكن خرز و ممكن زيي كور الاسفنج الي استخدمتها .

* مو شرط للفرش ممكن لآقلام الكحل او المحددات ..

حبيت استخدم المقاس الكبير لفرش الوجه والعين .
و المقاس الصغير احب اسميه للفرش المنسية الصغيرة الي تجي مع علب الايشدو و البلشر .

ثاني استخدام ..

- حامل لفرش الاسنان ..

و الاخير حبيت يكون شي غير عن الفرش و انو يكون كقطعة ديكور ممكن تكون بأي غرفة و ممكن تستفيدي منها و تسوي كذا حجم و حتطلع حركة حلوة بالوان تناسب لون الغرفة .

و بكذا آكون خلصت ..
شككرررا ،

instagram ; Dina_lifeStyle 

See you there , bye <3